Sudah tumat jaman Karajaan Banjar ada duit. Duit baguna gasan batukar barang, gasan kaparluan bajualan, gasan badagang. Jaman Karajaan Banjar tadapat duit macam-macam. Duit Karajaan Banjar diulah macam tambaga. Batulis aksara Malayu-Arab. Jaman Hindia-Balanda ada macam-macam duit ngarannya. Ada duit perak, ada duit nikal, ada duit tambaga, ada duit kartas, ada duit ringgit amas.
Duit-duit babatas harganya. Kalu duit ringgit itu batulis dua rupiah lima puluh sen. Duit rupiah batulis saratus sen. Duit sasuku batulis lima puluh sen. Duit tali batulis dua puluh lima sen. Duit katip batulis sepuluh sen. Duit nikal batulis lima sen. Duit benggol batulis dua setengah sen. Ada lagi duit sen dan duit rimis. Salain duit itu ada lagi dua macam duit. Ngarannya duit gubang daduitan.
Duit-duit benggol, sen, gubang dan daduitan diulah bahan tambaga. Duit jaman Jepang samuanya kartas. Batulis aksara latin. Kamudian batulis huruf Jepang. Duit Republik Indonesia mulai bahannya kartas, Gambarnya Presiden Soekarno, ada jua gambar lainnya.
Duit nang wayah ini ada duit nang batulis lima puluh rupiah, dua puluh ribu rupiah, sapuluh ribu rupiah, lima ribu rupiah, saribu rupiah, saratus rupiah, lima puluh rupiah, dua puluh lima rupiah. Dalam Karajaan Banjar dahulu baedar jua macam-macam duit karajaan lain. Di antaranya duit Karajaan Palembang, duit Tanah Batak.
Duit, duit, duit!
Duit baguna banar gasan jual tukar barang, gasan babalanja.
Duit salah satu ciri negara merdeka, negara badaulat.
Samua duit kita ngarannya duit Republik Indonesia.
Di Kalimantan Selatan banyak banar gunung-gunung. Gunung- gunung itu antara lain, ialah Gunung Maratus, Gunung Madang, Gunung Halau-halau, Gunung Batu Banawa, Gunung Tundakan.
Kita handak mamandirakan kisah jaman dahulu adanya Gunung Tundakan. Gunung Tundakan ini tadapat di Kabupaten Hulu Sungai Utara, kira-kira dalam Kacamatan Paringin.
Manurut urang-urang nang sudah biasa ka Tundakan, di atasnya ada lagi gunung. Lalu Gunung Tundakan ini disambar urang jua Gunung Bukit Bagantung. Di Bukit Bagantung ada guha.
Labih saratus tahun nang lalu, habarnya Gunung Tundakan ini paranah dijadiakan benteng oleh Pangeran Antasari. Di bagian bukit Bagantung itu tadapat pulang nang disambat guha. Guha ini tambus ka subalahnya. Di atas gunung nang parak guhanya tadapat puhun-puhun kayu nang halus, nang ganal. Parak jurang Tundakan kalihatannya ada kuburan. Antahkan barangkali kubur-kubur samuanya itu adalah kubur laskar antasari nang mati dalam palawanan pakalahian paparangan malawan Balanda atawa jua ujar urang Paringin pahlawan nang mati dalam paparangan.
Bubuhan Balanda mangakui, ngalihnya manaiki Tundakan. Benteng Tundakan nang paling kuat partahanannya di antara semua benteng selawas paparangan. Kapala kampung atawa Pambakal wan urang-urang di Paringin mangisahakan macam-macam sawaktu paparangan malawan bubuhan Balanda atawa ujar nini datu dahulu, bubuhan Walanda. Ujar urang-urang Paringin, Pangeran Antasari paranah guring babarapa hari di guha Bukit Bagantung. Sidin waktu itu gagaringan. Limbah waras sidin lalu tulak ka Puruk Cahu, ka Muara Tewe. Di Puruk Cahu batamu wan Srapati. Limbah itu Antasari bapindah wadah pulang ka Sampingan Muara Tewe. Satumat-satumat baalih supaya jangan ketahuan bubuhan Walanda. Ka Kampung Samparing, kampung Bayan Beguk.
Di Tundakan ada pasukan laskar Antasari bajaga-jaga. Dua kali kajadian paparangan di Tundakan. Bubuhan Balanda kawalahan. Lalu bulikan ka Amuntai. Bubuhan Balanda maminta bantuan tambahan sardadu handak mahancurakan benteng Tundakan. Tapi karana ada jua paparangan di Madang wan Birayang, bantuan kada kawa dikirim ka Tundakan.
Bujur jua pang benteng Tundakan itu kuat partahanannya. Sakuliling Gunung Tundakan-Bukit Bagantung ada susungaian. Di curam-curam gunung dipasang ranjau-ranjau. Jadi ngalih musuh handak mamasuki benteng Tundakan. Tundakan sabuan benteng paling hujung di utara Kalimantan Selatan. Panakawan Antasari, Tumanggung Jalil paranah jua umpat manjaga benteng itu, Bendera Kasultanan Banjar dahulu bakibar di atas pucuk bukit Bagantung. Benteng Tundakan ditinggalakan, karana sarangan Balanda nang talalu banyaknya, Banyak banar sardadunya, wayah ini Tundakan-Bukit Bagantung itu dikulilingi oleh papuhunan wan sagala macam kayu-kayuan, kalihatannya labat banar. Benteng Tundakan, benteng nang panguatnya di Kalimantan Selatan. Karajaan Balanda paranah maucapakan. Ujar bubuhan Balanda, benteng Tundakan wadah partahanan Antasari. Hati-hati manyarang Tundakan. Balanda sudah baulah gambar benteng Tundakan dijadiakannya kanang-kanangan sawaktu paparangan.
7 Ilustrasi yang menyindir kehidupan zaman sekarang,akan membuat anda berpikir ?
1.Kebebasan berekspresi melalui karya seni seringkali menjadi sesuatu yang dilarang demi menutupi kenyataan sebenarnya.
2.Ketika privasi sudah tidak ada lagi di dunia ini, semua hal terang-terangan ditunjukkan.
3.Banyak orang yang menjadi korban clickbait dari judul berita yang dia baca tanpa menelusuri keaslian sumbernya.
4.Orang menghabiskan terlalu banyak waktu dengan handphonenya dibandingkan berbicara dengan orang tercinta,hati-hati pelakor.
5.Seberapa banyak jumlah followers,like dll ketika meninggal,tidak akan dibawa mati,jadi lebih baik bijak dalam bersosial media akan lebih bagus untuk kehidupan yang kekal.
6.Lebih banyak orang menutup mata mereka terhadap masalah,ya masalah serius.
7.Stop kekerasan di dalam rumah tangga,karena tidak baik untuk anak tercinta.
Apakah dari gambar tadi memang benar sesuai dengan kehidupan zaman sekarang,tentu benar!
Home
Kontak
Daftar Isi
Hiburan
Disclaimer
